Courses
Succeeding at Work Language Stream consists of 10 proven training courses offered in 7 languages.
Punjabi coming soon!
اونٹاریو دی خوراک تے مشروباں دی پراسیسنگ انڈسٹری وچ نویں کینڈیائی شہریاں تے دوجے دیساں توں آن آلے کامیاں دی انگریزی لکھنے تے بولنے دی گھٹ مہارتاں توں نمٹن لئی سکسیڈنگ ایٹ ورک (SAW) لینگوئج اسٹریم اک ورھے دا پروگرام اے۔ فوڈ پراسیسینگ سکلز کینیڈا دی ٹیم نے ایہہ پروگرام خوراک تے مشروباں دی پراسیسنگ انڈسٹری وچ پہلاں توں کم کرن آلے ایہناں لوکاں نوں پیشہ ورانہ کامیابی لئی انگریزی زبان دیاں مہارتاں تے تربیت وچ مدد کرن لئی بنایا اے۔
شرکت کرن آلیاں لئی درخواستاں دا آغاز نومبر 2021 توں ہونا اے۔ SAW لینگوئج اسٹریم مہارتاں دی تربیت دے موقعے 7 وکھریاں بولیاں اچ دستیاب 10 آن لائن کورسز راہیں اونٹاریو دی خوراک تے مشروباں دی 20 توں ودھ کمپنیاں تے 300 ملازماں نوں فراہم کرے گا۔
CURRICULUM
ڈیجیٹل ٹیکنالوجی
- گھنٹے 3
ایہہ کورس کم دی تھاں تے ڈیجیٹل ٹیکنالوجی دا جائزہ لیندا اے جیہدے اچ ڈیجیٹل ٹول دا استعمال، ڈیٹا دا تحفظ کرن لئی سیکیورٹی دی کاروائیاں تے ڈیجیٹل جانکاری دی قدر نوں سمجھنا شامل اے۔
زبانی گل وات
- 2 گھنٹے
ایہہ کورس زبانی تے عام گلاں باتاں، فعال طور تے سنن، رائے دین، رل مل کے کم کرن دی حوصلہ افزائی کرن تے کم لئی مثبت ماحول نوں فروغ دین لئی ہدایتاں فراہم کر دا اے۔ ساری حیاتی دی سکھائی تے کم دی تھاں دیاں مہارتاں دی تربیت پیداواریت، موافقت تے جدت نال کافی جڑی ہوئی اے۔
کینیڈا وچ کم دی تھاں دی ثقافتاں
- 3 گھنٹے
ایس کورس نوں مکمل کرن مگروں توانوں کینیڈا دے بنیادی حقائق دی جانکاری لبھے گی، تسیں کینیڈا وچ کم دی تھانواں تے مناسب آداب سکھو گے، اونہاں صفتاں دی شناخت کرو گے جنہاں دی آجر توقع کردے نیں نالے تسیں ثقافتی صدمے دے مرحلیاں، علامتاں تے حل نوں پہچانو گے۔ ایس کورس دی تربیت کم کرن دی تھاں تے ٹیم دے اک رکن دے طور تے تہاڈی مہارتاں اچ وادھا کرے گی۔
صنعتکاری دے چنگے کم (GMPs)
- 2 گھنٹے
ایہہ کورس تہانوں ایہہ سمجھن لئی علم تے مہارتاں فراہم کرے گا کہ GMPs کس طرحاں خوراک دی محفوظ تیاری اچ مدد کر دے نیں تے GMPs نوں کس طرحاں نافذ کرنا اے۔
CURRICULUM
کوویڈ 19 تے خوراک دی پراسیسنگ
- 1 گھنٹے
ایس کورس وچ جانکاری دے 6 ماڈیول شامل نیں جیہڑے توانوں کینیڈا وچ کم دی تھاں، جیہڑی کوویڈ 19 دی عالمی وباء کارن متاثر ہوئی اے، تے رل مل جان اچ مدد کرن گے۔
صفائی ستھرائی دا درجہ 1
- 3 گھنٹے
ایہہ کورس خوراک تے مشروبات دی پراسیسنگ دی صنعت وچ کم کرن آلے لوکاں نوں صفائی ستھرائی دیاں بنیادی گلاں دے بارے دسدا اے۔ تسیں صفائی ستھرائی دے مرحلیاں دی جانکاری حاصل کرن دے نال، کیمیائی مادیاں نوں ہینڈل، تیار تے محفوظ کرن دا طریقہ سکھو گے۔ سکھائی دے ضابطے تے پالیسیاں ایس کورس دا اہم خاص حصہ نیں۔
کم دی تھاں تے صنعتی تحفظ
- 4 گھنٹے
ایہہ کورس مالکاں تے ملازماں لئی انضباطی ذمہ واریاں نالے خطریاں دی نشاندہی تے اونہاں دے اثر نوں گھٹ کرن لئی ورتی جان آلی پیش فعال حکمت عملیاں دا جائزہ لیندا اے۔ کینیڈا دے وفاقی تے صوبائی انضباطی تقاضیاں بارے سکھنا وی ایس کورس دا خاص حصہ اے۔
لاک آؤٹ ٹیگ آؤٹ
- 1 گھنٹے
ایہہ کورس لاک آؤٹ ٹیگ آؤٹ (LOTO) — اک حفاظتی طریقہ کار جنہوں صنعتی کم دی تھاں تے تحقیقی اداریاں اچ ایہہ پک کرن لئی ورتیا جاندا اے کہ ممکنہ طور تے خطرناک مشیناں نوں صحیح طریقے نال بند کیتا جائے تے مرمت یا سروس مکمل ہون توں پہلاں ایہناں نوں فیر چالو نا کیتا جائے — لئی رہنما اصول فراہم کردا اے۔
CURRICULUM
الرجنز لیول 1
- 3 گھنٹے
ایس کورس وچ کینیڈا وچ الرجنز دی ترجیحی فہرست نالے سلفائیٹ تے گلوٹن دے ماخذاں بارے دسیا گیا اے۔ تسیں ماخذاں دی شناخت کر سکو گے تے خوراک دی سلامتی نوں نقصان پہنچان آلے حادثیاں توں بچن لئی بوہتے ودھیا کماں تے ضابطیاں دی وضاحت کر سکو گے۔
کم کرن دے معیاری طریقیاں (SOPs) تے صفائی ستھرائی دے کم کرن دے معیاری طریقیاں (SSOPs) دیاں بنیادی گلاں
- 3 گھنٹے
ایہہ کورس کم دی تھاں تے کم کرن دے معیاری طریقیاں تے صفائی ستھرائی دے کم کرن دے معیاری طریقیاں دی اہمیت دی وضاحت کردا اے۔ تسیں سکھو گے کہ تسیں کیویں اپنے عہدے وچ ایس طرحاں دے طریقیاں نوں تیار تے ایہناں دا نفاذ کر سکدے او۔